नेपाल टेलिकमको ल्यायाे अनलिमिटेड सस्तो डाटा प्याक


१० चैत, काठमाडौं ।  नेपाल टेलिकमले आकर्षक सुविधासहित विभिन्न प्याकेज उपलब्ध गराएको छ । योजनाअन्तर्गत कम्पनीले सञ्चालन गरेको वान आवर अनलिमिटेड प्याक, अनलिमिटेड नाइट डाटा प्याकलगायत अफर सस्तोमा प्रयोग गर्न सकिने बताइएको छ । 

कम्पनीले ल्याएको वान आवर अनलिमिटेड प्याकमा एक घन्टासम्म डाटा चलाउन, भ्वाइस कल गर्न वा एसएमएस पठाउन सकिन्छ । २० रुपैयाँमै प्याक उपलब्ध हुने प्याकमा एक घन्टासम्म जति पनि डाटा चलाउन वा कुराकानी गर्न पाइने बताइएको छ । ग्राहकले सीधै *१४१५*८# डायल गरेर आफूले प्रयोग गर्न चाहेको भ्वाइस, एसएमएस वा डाटाका लागि क्रमशः १, २ र ३ अंक डायल गरी प्याक लिन सकिनेछ । त्यसैगरी, प्याक लिनका लागि एफडिप्याक लेखेर १४१५ मा एसएमएस गरी प्याक लिन सकिने बताइएको छ ।

साथै, कम्पनीले ल्याएको ‘अनलिमिटेड नाइट डाटा प्याक’अन्तर्गत १८ रुपैयाँमा अनलिमिटेड डाटा राति ११ बजेदेखि बिहान ६ बजेसम्म चलाउन पाइनेछ । त्यसैगरी, ९० रुपैयाँमा ७ दिनसम्म राति ११ बजेदेखि बिहान ६ बजेसम्म लगातार जति पनि डाटा प्रयोग गर्न सकिने टेलिकमले जानकारी दियो । 

एक रातका निम्ति ‘अनलिमिटेड नाइट डाटा प्याक’ लिन  *१४१५*८# मा र ७ रातका लागि *१४१५*३३# डायल गर्नुपर्नेछ । त्यसैगरी, एक दिनको प्याकका लागि एनयुएनएल र ७ दिनका लागि भए युटिएल ७ टाइप गरी १४१५ मा एसएमएस पठाउन सकिने टेलिकमले जनाएको छ । 

नेपाल टेलिकमको वेबसाइटमा प्राप्त विभिन्न प्याकेजमध्ये आफूलाई उपयोगी हुने डाटा प्याक छनोट गरी वा कम्पनीको एप ‘नेपाल टेलिकम’बाट पनि यी प्याक खरिद गरी प्रयोग गर्न सकिनेछ ।

प्रतिक्रिया दिनुहोस्


सम्बन्धित समाचार