सगरमाथामा फाइभजी, डाउनलोड स्पिड १.६६ गिगाबिट्स प्रतिसेकेण्ड


२१ वैशाख, काठमाडौं । चिनियाँ कम्पनी चाइना मोबाइल र हुवावेले विश्वको सर्वोच्च शिखर सगरमाथामा फाइभ जी इन्टरनेट पुर्‍याएका छन् ।

सगरमाथाको तिब्बतर्फको पाखोमा पर्ने ६ हजार ५ सय मिटरको उचाइमा चाइना मोबाइल र हुवावे कम्पनीले फाइभ जी इन्टरनेटको बेस स्टेसन निर्माण गरेका हुन् ।

जुन विश्वको सबैभन्दा अग्लो स्थानको फाइभ जी स्टेसन हो ।

सगरमाथाको उचाइमा पुर्‍याइएको फाइभ जी नेटवर्कको निर्माण तथा सञ्चालनमा दर्जनौं नेटवर्क विज्ञहरु खटिएको र यसले चौबीसै घण्टा अनवरत रुपमा नेटवर्क उपलब्ध हुने हुवावेले जनाएको छ ।

आधार शिविर क्षेत्रमा फाइभ जी नेटवर्कको डाउनलोड स्पिड १.६६ गिगाबिट्स प्रतिसेकेण्ड र अपलोड स्पिड २१५ मेगाबिट्स प्रतिसेकेण्ड रहेको हुवावेले जनाएको छ ।

प्रतिक्रिया दिनुहोस्


सम्बन्धित समाचार