मेडिकल कलेजहरुको शुल्क घटाउन सरकारलाई निर्देशन


२४ साउन, काठमाडौं । मेडिकल कलेजहरुको शुल्क तत्काल घटाउन संसदको शिक्षा तथा स्वास्थ्य समितिले सरकारलाई निर्देशन दिएको छ ।

समितिले मेडिकल कलेजहरुको पाठ्यक्रम र शैक्षिक क्यालेन्डरमा एकरुपता ल्याउन पनि सरकारलाई सचेत गराएको छ ।

समितिको शुक्रवार बसेको बैठकले मेडिकल कलेजहरुको शुल्कसम्बन्धी विवाद समाधान गर्न गठित उपसमितिले दिएको सुझावका आधारमा तत्काल शुल्क घटाउन सरकारलाई निर्देशन दिएको हो ।

समितिले सबै मेडिकल कलेजहरुको भर्ना प्रक्रियालाई समान ढंगले अघि बढाउन पनि सरकारको गम्भिर ध्यानाकर्षण गराएको छ ।

बैठकमा सांसदहरुले राष्ट्रिय चिकित्सा शिक्षा आयोग गठन गर्न तथा जेहेन्दार विद्यार्थीलाई चिकित्सा शिक्षा अध्ययनका लागि ऋण उपलब्ध गराउने व्यवस्था गर्न प्रस्ताव गरेका थिए ।

प्रतिक्रिया दिनुहोस्


सम्बन्धित समाचार