चाडपर्वमा कालोबजारी हुन नदिन उद्योगमन्त्री यादवकाे निर्देशन


२४ साउन, काठमाडौं । उद्योग वाणिज्य तथा आपूर्तिमन्त्री मातृकाप्रसाद यादवले नजिकिँदै गरेका ठूला चाडपर्वमा अत्यावश्यक वस्तुको अभाव तथा कालोबजारी हुन नदिन प्रदेश र स्थानीय तहलाई आग्रह गरेका छन् ।

सातै प्रदेशका उद्योग, पर्यटन, वन तथा वातावरणमन्त्री एवं नगरपालिकाका प्रतिनिधिहरुसँग शुक्रबार मन्त्रालयमा छलफल गर्दै उनले यस्तो बताएका हुन् ।

‘मैले सुनेको छु चाडपर्वको समयमा यो देशमा सरकार पनि छ ? भनेर जनताले प्रश्न गर्छन्, यो वर्ष त्यस्तो नहोस्,’ उनले भने ।

खाद्यान्न, माछामासु एवं चाडपर्वका लागि आवश्यक पर्ने सबै वस्तुहरुको देशभित्रको उपलब्धता एवं आपूर्ति व्यवस्थामा तीन तहका सरकारबीचको समन्वय जरुरी रहेको मन्त्री यादवले बताए ।

छलफलमा प्रदेश ३, गण्डकी, प्रदेश ५ र कर्णाली प्रदेशका उद्योग पर्यटन वन तथा वातावरण मन्त्रीको उपस्थिति थियो । यस्तै काठमाडौं महानगरपालिकासहित ६ महानगर तथा सबै उपमहानगरपालिकाका प्रतिनिधि सहभागी थिए ।

सम्बन्धित समाचार