कोरोना परीक्षण गराउन १५ हजार शुल्क लाग्ने कुरा झुट- स्वास्थ्य मन्त्रालय


७ जेठ, काठमाडौं । स्वास्थ्य तथा जनसङ्ख्या मन्त्रालयले पीसीआर विधिबाट कोरोना परीक्षण गराउने सम्बन्धमा शुल्क नतोकिएको स्पष्टीकरण दिएको छ ।

बुधबार मन्त्रालयले एक प्रेस विज्ञप्ति जारी गर्दै सार्वजनिक स्वास्थ्य संस्थाबाट कोरोना परीक्षण गराउँदा कति शुल्क लिने भन्ने विषयमा कुनै निर्णय नभएको स्पष्ट पारेको हो ।

यसअघि निजी स्वास्थ्य संस्थामा कोरोना परीक्षण गराउँदा १५ हजार शुल्क लाग्ने भन्दै विभिन्न अनलाइन मिडियाहरुमा समाचार प्रकाशन भएको थियो ।

मन्त्रालयले आफ्नो विज्ञप्तिमा पत्रकारहरुले बारम्बार झूटो समाचार लेखेको भन्दै यस्तो झुटो समाचार लेखेर अफवाह फैलाएमा कानुन बमोजिम कारवाही गर्ने चेतावानीसमेत दिएको छ ।

प्रतिक्रिया दिनुहोस्


सम्बन्धित समाचार