खैरो हिरोइनसहित दुईजना पक्राउ


२७ असार, काठमाडौं । कैलालीको टिकापुरबाट खैरो हिरोइनसहित दुईजनालाई प्रहरीले पक्राउ गरेको छ।

पक्राउ पर्नेमा टीकापुर नगरपालिका वडा नम्बर १ का २८ वर्षीय शंकर भनिने छत्र बहादुर साउँद र टिकापुरकै वडा नम्बर ६ का ३६ वर्षीय मुकेश रावल रहेका छन् ।

साउँद र रावलले लागु औषधको कारोवार गर्ने गरेको सूचनाको आधारमा इलाका प्रहरी कार्यालय टिकापुरबाट खटिएको प्रहरी टोलीले उनीहरुलाई खैरो हिरोइनसहित पक्राउ गरेको हो ।

साउँदको घर/कोठा खानतलासी गर्दा दाउराको थुप्रोमा लुकाई छिपाई राखेको अवस्थामा ३ ग्राम ७०० मिलिग्राम लागु औषध (खैरो हिरोइन) बरामद गरिएको प्रहरीले जनाएको छ ।

उनीहरुको साथबाट ६ लाख रुपैयाँ र डिजिटल तराजु समेत बरामद गरिएको र थप अनुसन्धान भइरहेको जिल्ला प्रहरी कार्यालयल कैलालीले जनाएको छ ।

प्रतिक्रिया दिनुहोस्


फ्रन्ट पेज