एक युवतीले गरिन् बैंकभित्रै आत्महत्या


२१ साउन, विराटनगर । विराटनगरको सनराइज बैंकमा कार्यरत एक युवतीले बैंकको कार्यालयभित्रै आत्महत्या गरेकी छन् ।

विराटनगर ८ की ३० वर्षीया सनाज खतिवडाले बैंकभित्रै मुसा मार्ने औषधि खाएर आत्महत्या गरेको प्रहरीले जनाएको छ ।

मृतक बैंकको कर्जा शाखामा कार्यरत थिइन्।

घटनाको प्रकृति हेर्दा विषय खाएको देखिएकोले प्रहरीले बैंकको सिसि टिभी फुटेजका आधारमा अनुसन्धान सुरु गरेको जनाएको छ।

उनका हातमा पनि सामान्य चोट देखिएको र रगत बगेको देखिएको प्रहरीको भनाई छ। उनलाई बेहोस अवस्थामै कर्मचारीले नोवेल अस्पताल लगेको भएपनि अस्पतालका चिकित्सकले मृत घोषणा गरेका थिए।

उनको ब्यागमा सु-साइड नोट भेटिएको र प्रहरीले त्यसका आधारमा अनुसन्धान गरिरहेको दावी गरेको छ ।

प्रतिक्रिया दिनुहोस्


सम्बन्धित समाचार