दुष्प्रचार गरेकाे भन्दै हङकङमा २१० युट्यूब च्यानल बन्द


६ भदौ, एजेन्सी ।  हङकङमा जारी विरोधलाई दुष्प्रचार गर्ने सामाग्रीहरु प्रसारित गरेको भन्दै गुगलले दुई सय १० ओटा युट्यूब च्यानल बन्द गरेको छ ।

केही हप्ताअघि मात्र ट्विटर र फेसबुकले पनि हङकङमा जारी विरोधलाई बढावा दिने केही खाताहरुलाई बन्द गरेको थियो ।

ती युट्यूब च्यानलले हङकङमा जारी विरोध झल्किने भिडियोहरु अप्लोड गरेको थिए । 

 बीबीसीका संवाददाताले गुगलका प्रवक्तालाई ट्वीटरको जस्तै हङकङमा जारी विरोधलाई दुष्प्रचार गर्ने विरुद्धको अभियान हो ? या हङकङ विरोधी आन्दोलनलाई कमजोर गर्ने रणनीति हो ? भनेर सोधेको प्रश्नमा गुगलका प्रवक्ताले केही बोल्न नचाहेकाे बीबीसीले जनाएको छ ।

गुगलले राज्य नियन्त्रित मिडिया संगठन जस्तैः चिनियाँ प्रचारक, सिन्ह्वाको विज्ञापन बिक्रीमा रोक लगाउने योजना बनाएको हो भन्ने बारेमा पनि केही बताएको छैन ।

सम्बन्धित समाचार