प्रतिबन्धित भारतीय रुपैयाँ सहित भारतीय नागरीक पक्राउ


६ भदौ, पर्सा । प्रतिबन्धित २ हजार दरका भारतीय रुपैयाँ सहित भारतीय नागरीक मिथलेश कुमारलाई  प्रहरीले पक्राउ गरेको छ ।

वीरगंज महानगरपालिका-१६ ईनरुवास्थित शंकाराचार्य गेटबाट प्रतिबन्धित भारतीय रुपैयाँ २ लाख ५० हजार सहित कुमारलाई बुधबार दिउँसो प्रहरीले पक्राउ गरेको छ ।

जिल्ला प्रहरी कार्यालय पर्साबाट खटिएको प्रहरीले कुमारलाई प्रतिबन्धित भारतीय रुपैयाँ २ हजार दरका ४६ थान र ५ सय दरका ३ सय १६ थान सहित फेला पारी पक्राउ गरेको हो ।

पक्राउ कुमारलाई आवश्यक अनुसन्धान एवम् कारवाहीको लागि राजश्व कार्यालय पथलैया बारा पठाइएको छ ।

साथै वीरगंज महानगरपालिका १६ ईदगाहा चोकबाट २ हजार दरको नक्कली भारतीय रुपैयाँ ९५ थान सहित २ जनालाई बिहीबार साँझ प्रहरीले पक्राउ गरेको छ ।

पक्राउ पर्नेहरुमा जमिल अकतर र  दिलिप कुमार साह रहेका छन् ।

यस सम्बन्धमा प्रहरीले थप अनुसन्धान गरिरहेको छ ।

प्रतिक्रिया दिनुहोस्


सम्बन्धित समाचार