नेपाल ओलम्पिक कमिटीको नयाँ अध्यक्षका लागि जीवनराम श्रेष्ठ र उमेशलाल श्रेष्ठकाे उम्मेदवारी


१० भदौ, काठमाडौं । नेपाल ओलम्पिक कमिटीको नयाँ अध्यक्षका लागि वर्तमान अध्यक्ष जीवनराम श्रेष्ठ र पूर्व उपाध्यक्ष उमेशलाल श्रेष्ठले उम्मेदवारी दर्ता गरेका छन् ।

अघिल्लो चुनावमा पनि यी दुईले नै प्रतिस्पर्धा गरेका थिए ।

भदौ २० गते हुने कार्यसमितिको चुनावका लागि मंगलबार उम्मेदवारी दर्ता गरिएको हो । १९ पदमध्ये १७ पदमा चुनाव हुनेछ ।

महासचिवमा वर्तमान उपाध्यक्ष पुरेन्द्रविक्रम लाखे र सदस्य निलेन्द्रराज श्रेष्ठले उम्मेदावरी घोषणा गरेका छन् ।

एनओसीको निर्वाचन भदौ २० गते हुँदैछ । निर्वाचनले १ अध्यक्ष, ५ उपाध्यक्ष, १ महासचिव, १ कोषाध्यक्ष, १ उपमहासचिव, ३ सचिव र ७ सदस्य गरी १९ सदस्यीय कार्यसमिति चयन गर्नेछ । निर्वाचनमा एनओसीका २७ एसोसिएट सदस्यका प्रतिनिधिले मतदान गर्नेछन् ।

सम्बन्धित समाचार