प्रहरी हिरासतबाट तीन कैदी फरार, चार प्रहरी निलम्बित

एसपी दुर्गासिंहको नेतृत्वको छानविन समिति गठन

महानगरीय प्रहरी प्रभाग भैंसेपाटीको हिरासतबाट गएराति तीन कैदी फरार भएका छन् । ललितपुर प्रहरी प्रमुख रवीन्द्र धानुकले कैदी फरार भएको पुष्टि गर्दै छानविन अगाडि बढाइएको शिलापत्रलाई जानकारी दिए ।

उनका अनुसार एसपी दुर्गा सिंहको नेतृत्वमा छानविन समिति गठन गरिएको छ भने ड्यूटीमा रहेका चार प्रहरीलाई निलम्बन गरी अनुसन्धान अघि बढाइएको छ ।

प्रहरी प्रभाग भैंसेपाटीको हिरासतको ग्रिल उप्काएर थुनवा भागेका थिए । कैदीको परिचय खुलाइएको छैन । उनीहरुको खोजीका लागि सादा पोशाकका प्रहरी परिचालन गरिएको छ ।

सम्बन्धित समाचार