वीर गणेशमान सिंह स्मृति राष्ट्रिय खुल्ला किक बक्सिङ प्रतियोगिता माघमा


१७ पुस, काठमाडौं ।  तेस्रो संस्करणको वीर गणेशमान सिंह स्मृति राष्ट्रिय खुल्ला किक बक्सिङ प्रतियोगिता माघको पहिलो साता आयोजना हुने भएको छ ।

आयोजक ललितपुर किक बक्सिङ संघले बिहिबार पत्रकार सम्मेलन गर्दै प्रतियोगिता माघ २ देखि ४ गतेसम्म हुने जनाएको छ ।

ललितपुर गोदावरी नगरपालिकाको चापागाउँको प्याङगाउँचौरमा आयोजना हुने प्रतियोगितामा कराते, उसु,बक्सिङ,तेक्वान्दो,आईटिएफ, फुल कन्ट्याक कराते, मुवा थाईको प्रतिस्पर्धा हुनेछ । प्रतियोगितामा त्रिभुवन आर्मी, एपीएफ र नेपाल पुलिस क्लबका खेलाडीले समेत प्रतिस्पर्धा गर्ने छन् । पुरुषतर्फ ५० केजी, ५५ केजी मुनि, ६० केजी मुनि,६५ केजु मुनि,७० केजी मुनि र खुल्ला तौल समूहमा प्रतिस्पर्धा हुनेछ ।

महिलातर्फ ५० केजी, ५५ केजी मुनि,६० केजी मुनि, ६५ केजी मुनि र खुल्ला तौल समूहमा प्रतिस्पर्धा हुनेछ । प्रतियोगिताको विजेतालाई ३० हजार, दोस्रोले १५ हजार र तेस्रोले ८र८ हजार पाउने छन् । सर्वोकृष्ट पुरुष र महिला खेलाडीले २५र२५ हजार पाउने छन् ।

यस्तै टिम च्याम्पियन टोलीले १ लाख पाउँदा दोस्रो हुनेले ५० हजार पाउने संघका अध्यक्ष बिनोद महर्जनले जानकारी दिए ।

प्रतिक्रिया दिनुहोस्


सम्बन्धित समाचार