कांग्रेसको अन्तरिक विवाद समाधान,फागुन ७ मा नै महाधिवेशन हुने


१० माघ, काठमाडौं । साढे दुई महिनादेखि चलिरहेको नेपाली कांग्रेसको अन्तरिक विवाद समाधान भएको छ । र, १४ औं महाधिवेशन ०७७ फागुन ७ मा नै हुने भएको छ ।

पार्टी सभापति शेरबहादुर देउवा, वरिष्ठ नेता रामचन्द्र पौडेल र कृष्ण सिटौलासहितका नेताहरुबीच शुक्रबार बूढानीलकण्ठमा झण्डै ७ घन्टा लामो वार्ता भएको थियो ।

बैठकले १४ औं महाधिवेशन २०७७ फागुनमा गर्ने पूर्व निर्णयलाई अनुमोदन गरेको छ । पुस ११ मा बसेको केन्द्रीय समिति बैठकले बहुमतका आधारमा निर्णय गरेपछि संस्थापनइतर समूह देउवा खेमासँग रुष्ट बनेको थियो । 

यसअघि पारित निर्णयलाई संसोधन गर्ने गरि नेताहरुबीच सहमति भएको हो । बैठकमा सहभागी केन्द्रीय सदस्य रमेश लेखकका अनुसार परिमार्जित कार्यतालिका सोमबारको बैठकमा महामन्त्रीले प्रस्तुत गर्ने कार्ययोजना छ । 

उनका अनुसार १४ औं महाधिवेशन पूर्व निर्धारित मिति २०७७ फागुन ७ देखि १० सम्म नै हुनेछ । तर त्यसको कार्यतालिका र कार्यविधि भने संशोधन हुनेछ ।

प्रतिक्रिया दिनुहोस्


सम्बन्धित समाचार