आफू मन्त्री भए पछि औषत भन्दा माथि उपलब्धि हासिल भएकाे अर्थमन्त्रीकाे दावी


५ फागुन, काठमाडौं । अर्थमन्त्री युवराज खतिवडाले सत्तामा हुँदा ३–४ प्रतिशतको मात्रै आर्थिक वृद्धि गर्नेहरुले अहिले सरकारले राखेको ८ प्रतिशतको आर्थिक वृद्धिको लक्ष्य पूरा हुँदैन भनेर टिप्पणी गर्ने गरेका बताएका छन ।

सोमबार ललितपुरको हरिहरभवनस्थित सार्वजनिक वित्त व्यवस्थापन तालिम केन्द्रको नयाँ भवनको उद्घाटन गर्दै उनले पछिल्लो समय ६ प्रतिशतभन्दा माथिको आर्थिक वृद्धिको बहस हुनु सकारात्मक भएको बताए ।

सरकारले एकपक्षीय ढंगले यी कुरा नराखेको बताउँदै उनले अंक र प्रभावले पनि त्यो कुरा देखाएको बताए । खतिवडाले आफू मन्त्री भए पछिको दुई वर्षमा औषत भन्दा माथि उपलब्धि हासिल गर्न सकेको दावी गर्दै आर्थिक वृद्धिमा मात्रै नभएर सुशासन र भ्रष्टाचार निवारणमा समेत औषतभन्दा माथिको उपलब्धि भएको दावी गरे ।

राजश्वसचिव शिशिरकुमार ढुङ्गानाले तालिम केन्द्रले दिने तालिमको मोडलमा परिवर्तन गर्नुपर्ने बताउँदै केन्द्रलाई अनुसन्धान उन्मुख बनाउनुपर्ने बताए ।

तालिम केन्द्रको भवन २२ करोड ५२ लाख ३० हजार रुपियाँमा निर्माण सम्पन्न गरिएको हो ।

प्रतिक्रिया दिनुहोस्


सम्बन्धित समाचार