नयाँ दिल्ली । एक नर्वेजियन पत्रिकाले भारतीय प्रधानमन्त्री नरेन्द्र मोदीलाई सपेराको रूपमा चित्रण गरिएको एउटा कार्टुन प्रकाशन गरेपछि यतिबेला भारतमा भाजपा समर्थकहरूले चर्को आलोचना गरिरहेका छन् ।
‘आफ्टेनपोस्टेन’ पत्रिकामा प्रकाशित उक्त चित्रमा मोदीलाई सर्पजस्तो आकारको इन्धन–स्टेसनको पाइप समातिरहेको देखाइएको छ । यो पत्रिका नर्वेको एक राष्ट्रिय दैनिक हो र नर्वेजियन भाषामा प्रकाशित हुने गर्छ ।
उक्त कार्टुनले जातीय भेदभाव र औपनिवेशिक अहंकारको आरोप निम्त्याएको भारतभर चर्चा भइरहेको छ । आलोचकहरूले यस चित्रले ती पुराना रुढीवादी धारणाहरूलाई बलियो बनाएको बताइरहेका छन्, जसले कुनै समय भारतलाई सपेराहरूको देशको रूपमा चित्रण गर्थ्यो । सामाजिक सञ्जाल प्रयोगकर्ताहरूले उक्त पत्रिकाको चर्को आलोचना गरेका छन्, साथै भारतका निर्वाचित नेताप्रति ुअपमानु भनेका छन् ।
यो विवाद मोदीको हालैको नर्वे भ्रमणका क्रममा भएको हो, जहाँ पत्रकार हेले लिङले प्रधानमन्त्री जोनास गहर स्टोरसँगको संयुक्त पत्रकार सम्मेलनमा मोदीले किन पत्रकारहरूको प्रश्न नलिएको भनी प्रश्न गरेकी थिइन् । मोदीले कुनै जवाफ दिएनन्, तर लिङले उक्त कुराकानीलाई अनलाइनमा पोस्ट गरिन्, जसले भारतमा प्रेस स्वतन्त्रता र मानव अधिकारबारे बहस चर्काएको छ ।
कूटनीतिज्ञ सीबी जर्जमार्फत भारतको विदेश मन्त्रालयले उक्त आलोचनाको कडा खण्डन गरेको छ । उनले भारतको लोकतान्त्रिक संरचना, संवैधानिक ग्यारेन्टीहरू र यहाँका ९भारत० विशाल मिडिया परिदृश्यमाथि प्रकाश पार्दै आलोचकहरूलाई प्रायः अज्ञानी गैर(सरकारी संस्थाहरूका छनोट गरिएका प्रतिवेदनहरू भनेका छन् ।
यो प्रतिक्रियाले सन् २०२२ को यस्तै प्रकारको आक्रोशको सम्झाएको छ, त्यतिबेला एउटा स्पेनिस पत्रिकाले भारतको आर्थिक उदयबारे समाचारमा सपेराको प्रतीक प्रयोग गरेको थियो । मोदी स्वयंले त्यसलाई कसरी भारत सपेराहरूको देशको रुढीवादी छविबाट अब माउस चार्मरहरू ९कम्प्युटर माउस चलाउनेहरू० को प्रविधि(सञ्चालित देश बनेको छ भनी प्रस्ट्याएका थिए ।
