कंगो । डीआर कंगोमा इबोला सङ्क्रमण तीव्र रूपमा फैलिँदै गएको छ। सरकारी तथ्यांकअनुसार सङ्क्रमितको सङ्ख्या ३,२०० पुगेको छ भने कम्तीमा १,४०५ जनाको मृत्यु भइसकेको छ।
मे १५ मा घोषणा गरिएको यो प्रकोप बन्डिबुग्यो प्रजातिको इबोला भाइरसका कारण फैलिएको हो, जसका लागि हालसम्म स्वीकृत खोप वा उपचार उपलब्ध छैन। पछिल्लो १० दिनमै करिब १,००० नयाँ सङ्क्रमित थपिएका छन्।
विश्व स्वास्थ्य संगठन (डब्लुएचओ) का अनुसार करिब ९० प्रतिशत सङ्क्रमित उत्तरपूर्वी इटुरी प्रान्तमा रहेका छन्। सङ्क्रमण हाल पाँच वटा प्रान्तमा फैलिसकेको छ। स्वास्थ्यकर्मीहरूको तलब विवादका कारण भएको हडतालले पनि नियन्त्रण प्रयास प्रभावित भएको अधिकारीहरूले बताएका छन्।
यसैबिच, अक्सफोर्ड विश्वविद्यालयले बन्डिबुग्यो प्रजातिविरुद्ध विकास गरिएको प्रयोगात्मक खोपको पहिलो चरणको परीक्षण स्वयंसेवकमा सुरु गरेको जनाएको छ। वैज्ञानिकहरूले सम्भावित खोप र उपचारको विकासलाई तीव्रता दिएका छन्।
