१३ भदौ, काठमाडौं । चीनले बाढी तथा पहिरो प्रभावित नेपाललाई २० लाख अमेरिकी डलर नगद सहयोग उपलब्ध गराउने भएको छ।
परराष्ट्रमन्त्री शिशिर खनालका अनुसार चीनले राहत सामग्री बोकेका दुईवटा कार्गो विमान र सुरुङसम्बन्धी विज्ञहरूको दुईवटा टोलीसँगै उक्त नगद सहयोग नेपाल पठाउन लागेको हो।
यसअघि अन्य मुलुकले पनि नेपाललाई राहत तथा सहयोग गर्ने प्रतिबद्धता जनाइसकेका छन्। भारतले राहत सामग्री नेपाल पठाइसकेको छ भने थप आवश्यक सहयोग उपलब्ध गराउने जनाएको छ।
