![](https://radiokathmandu.com/wp-content/uploads/2023/09/asia-cup.jpg)
काठमाडौं, २६ भदौ । एसिया कप क्रिकेट अन्तर्गत आज मंगलबार भारत र श्रीलंका भिड्दै छन् ।
एसिया कप अन्तर्गत सुपर फोरको खेल कोलम्बोमा रहेको आर. प्रेमदासा क्रिकेट स्टेडियममा दिउँसो सवा ३ मा सुरु हुनेछ ।
सुपर फोरमा दुवै टोली आफ्नो दोस्रो खेल खेल्दैछन् । भारतले पहिलो खेलमा पाकिस्तानलाई फराकिलो अन्तरले पराजित गरेको थियो ।
पहिलो खेलमा श्रीलंकाले बंगलादेशलाई पराजित गरेको थियो । दुवै टोली लगातार दोस्रो जितका दर्ता गर्दै फाइनल सम्भावना मजबुत बनाउन चाहन्छन् ।
श्रीलंका पछिल्लो १३ ओडिआई खेलमा अपराजित रहेको छ । विश्व क्रिकेटको बलियो टोली भारतसँग श्रीलंकाको खेल प्रतिस्पर्धात्मक र रोमान्चक हुने अनुमान गरिएको छ ।
पछिल्लो पाँच भेटमा भारत चार तथा श्रीलंका एक खेलमा विजयी भएको छ ।
सुपर फोरमा बंगलादेश, श्रीलंका, पाकिस्तान र भारत रहेका छन् ।
चार टिमबीच एकआपस खेल भएर शीर्ष दुई टोलीबीच फाइनल खेल हुनेछ ।