काठमाडौं, ८ चैत । ओपनर आसिफ शेखको प्रेरणादायी शतकको मद्दतमा सशस्त्र प्रहरी बल (एपीएफ)ले प्रधानमन्त्री कप एक दिवसीय क्रिकेटमा बाग्मतीलाई पराजित गरेको छ ।
टस हारेर पहिले ब्याटिङ गरेको सशस्त्रले ५० ओभरमा ८ विकेट गुमाएर २७१ रनको योगफल तयार गरेको थियो । प्रधानमन्त्री कपको यस संस्करणमा पहिलो शतक प्रहार गर्दै आसिफले सशस्त्रलाई बलियो स्थितिमा पुर्याएका थिए ।
जवाफी ब्याटिङमा बाग्मती २०० रनमा अलआउट हुँदै ७१ रनको फराकिलो हार स्वीकार्न बाध्य भयो ।
