काठमाडौं, १० भदौं । चीन नेपाल सीमा नजिकका गाउँहरूमा आएको विनाशकारी आकस्मिक बाढीपछि अन्तर्राष्ट्रिय प्रतिक्रियाहरू आउन थालेका छन्।
नेपालस्थित अमेरिकी दूतावासले देशको रसुवा जिल्लामा आएको बाढीका कारण भएको मानवीय क्षतिप्रति ूगहिरो दुःखू व्यक्त गरेको छ। ‘हामी ज्यान गुमाउनेहरूका परिवार र आफन्तजनप्रति हार्दिक समवेदना व्यक्त गर्दछौं र यस विपद्बवाट प्रभावित सबैप्रति हाम्रो सहानुभूति छ,’ दूतावासले एक्समा उल्लेख गरेको छ।
दूतावासले अमेरिकी नागरिकहरूलाई प्रभावित क्षेत्रहरूमा नजान पनि आग्रह गरेको छ। ‘रसुवा, नुवाकोट, धादिङ, गोरखा, चितवन र तनहुँमा रहेका अमेरिकी नागरिकहरू नदी किनार र होचा भू भागबाट टाढा रहनुपर्छ, अग्लो स्थानमा जानुपर्छ र स्थानीय निर्देशनहरूको पालना गर्नुपर्छ,’ दूतावासले भन्यो।
दक्षिण कोरियाली राष्ट्रपति ली जे म्युङले यस भीषण बाढीको प्रतिक्रिया स्वरूप पूर्ण क्षमताका साथ उद्धार कार्य गर्न निर्देशन दिएको उनका प्रवक्ताले बताएका छन्। प्रवक्ताका अनुसार, लीले दक्षिण कोरियाली सरकारलाई नेपाली सरकार र स्थानीय अधिकारीहरूसँग सहकार्य गर्दै कोरियाली जनताको जीवन र सुरक्षालाई प्राथमिकता दिन आग्रह गरेका छन् ।
भारतीय प्रधानमन्त्री नरेन्द्र मोदीले भारतका जनता यस कठिन घडीमा नेपालका आफ्ना दिदीबहिनी तथा दाजुभाइहरूको साथमा रहेको बताएका छन्। भारतले नेपाललाई सम्भव भए सम्मको मानवीय सहायता उपलब्ध गराउन तयार रहेको कुरा उनले एक्समा उल्लेख गरेका छन्।
