११ भदौ, काठमाडौं । रसुवाको भोटेकोशीमा आएको विनाशकारी बाढीबाट ठूलो जनधनको क्षति भएको अवस्थामा उद्धार तथा राहत अभियानमा सहयोग पुर्याउने उद्देश्यले सोफा हब काठमाडौंका प्रमुख तारा लाल धरेलले प्रधानमन्त्री दैवी प्रकोप उद्धार कोषमा एक लाख रुपैयाँ सहयोग गरेका छन्।
विपद्को यस कठिन घडीमा पीडित नागरिकको उद्धार, राहत तथा पुनःस्थापनामा आफ्नो तर्फबाट योगदान पुगोस् भन्ने उद्देश्यले धरेलले उक्त रकम सहयोग गरेका हुन्।
बाढीका कारण रसुवासहित विभिन्न जिल्लामा ठूलो क्षति पुगेको तथा कैयौँ नागरिक प्रभावित भइरहेका बेला निजी क्षेत्रबाट गरिएको यस्तो सहयोगले सामाजिक उत्तरदायित्व र मानवीय सेवाप्रतिको प्रतिबद्धतालाई थप उजागर गरेको छ।
सोफा हब काठमाडौंले व्यवसायसँगै सामाजिक दायित्वलाई पनि प्राथमिकतामा राख्दै विपद्का बेला पीडित नागरिकको साथमा उभिने उदाहरण प्रस्तुत गरेको छ। धरेलको यो सहयोगले अन्य व्यवसायी, संघसंस्था तथा सक्षम नागरिकलाई समेत विपद्को समयमा राहत तथा उद्धार अभियानमा योगदान गर्न प्रेरणा मिल्ने अपेक्षा गरिएको छ।
राष्ट्रिय विपत्तिको यस घडीमा सबै पक्ष एकजुट भई पीडितको उद्धार, राहत र पुनःस्थापनामा सहयोग गर्नुपर्ने आवश्यकता रहेको धरेलले बताएका छन्।
मानवीय सेवामा सोफा हब काठमाडौंको यो योगदान प्रशंसनीय छ।
