काठमाडौं २५ भदौ । नेपाली बजारमा बिहीबार सुन र चाँदीको मूल्यमा उल्लेख्य वृद्धि भएको छ।
नेपाल सुनचाँदी व्यवसायी महासङ्घका अनुसार छापावाल सुनको मूल्य तोलामा ३ हजार ४ सय रुपैयाँले बढेर ३ लाख ५ हजार ८ सय रुपैयाँ पुगेको छ। यसअघि बुधबार सुन प्रतितोला ३ लाख २ हजार ४ सय रुपैयाँमा कारोबार भएको थियो।
यसैगरी चाँदीको मूल्य पनि बढेको छ। अघिल्लो दिन प्रतितोला ४ हजार ७ सय ५० रुपैयाँमा कारोबार भएको चाँदी आज १०५ रुपैयाँले बढेर ४ हजार ८ सय ५५ रुपैयाँ कायम भएको महासङ्घले जनाएको छ।
