काठमाडौं । नेपाली कांग्रेसको १५औँ महाधिवेशनअन्तर्गत खुला केन्द्रीय सदस्य पदको मतगणना मंगलबार बिहान ८ बजेदेखि सुरु हुने भएको छ।
केन्द्रीय निर्वाचन समितिले मंगलबार बिहानदेखि मतगणना गर्ने तयारी गरेको हो।
समितिका सदस्य सचिव राजु कटुवालका अनुसार खुला केन्द्रीय सदस्य पदको मतगणना बिहान ८ बजेबाट सुरु हुनेछ।
निर्वाचन समितिले मतगणनामा केन्द्रीय सदस्यका उम्मेदवारबाहेक प्रतिनिधिका लागि व्यवस्था नगरिएको पनि जनाएको छ।
