काठमाडौं । नेपाली बजारमा शुक्रबार सुनचाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ हजार २ सय रुपैयाँले घटेको छ।
महासंघले शुक्रबारका लागि सुनको मूल्य प्रतितोला २ लाख ८० हजार ३ सय रुपैयाँ निर्धारण गरेको छ। अघिल्लो दिन बिहीबार सुन प्रतितोला २ लाख ८३ हजार ५ सय रुपैयाँमा कारोबार भएको थियो।
त्यस्तै, चाँदीको मूल्य पनि तोलामा १०५ रुपैयाँले घटेको छ। अघिल्लो दिन प्रतितोला ३ हजार ९३० रुपैयाँ रहेको चाँदीको मूल्य शुक्रबार घटेर ३ हजार ८२५ रुपैयाँ कायम भएको महासंघले जनाएको छ।
सुनचाँदी दुवैको मूल्य घटेसँगै नेपाली बजारमा शुक्रबार बहुमूल्य धातुको कारोबारमा गिरावट देखिएको छ।
