‘का हालु मायाको मुद्दा’ सार्वजनिक, भुवन दाहाल र निरुता खत्रीको स्वरमा नयाँ गीत बजारमा

रेडियो काठमाण्डु
  • ख-
  • ख
  • ख+

अन्तिम पटक अध्यावधिक गरिएको

काठमाडौं । नेपाली सांगीतिक क्षेत्रमा नयाँ गीत ‘का हालु मायाको मुद्दा’ सार्वजनिक भएको छ । गायक भुवन दाहाल र गायिका निरुता खत्रीको स्वरमा सजिएको उक्त गीत निरुता खत्री अफिसियल युट्युब च्यानलमार्फत सार्वजनिक गरिएको हो ।

गीतमा सुशील बोहराको शब्द र निरुता खत्रीको संगीत रहेको छ । गीतलाई कृष्ण बाजुरालीले एरेन्ज गरेका हुन् । उनले नै गीतको रेकर्डिङ तथा मिक्सिङको कामसमेत गरेका छन् । गीतको रेकर्डिङ द म्युजिक इरा स्टुडियोमा गरिएको हो भने बाँसुरीमा रतन बीकेको साथ रहेको छ ।

गीतको अडियोसँगै सार्वजनिक गरिएको भिडियोको निर्देशन भीम थापाले गरेका छन् । अमृत उपाध्यायले छायांकन गरेको भिडियो प्रवीण रेश्मी मगरले सम्पादन गरेका हुन् । भिडियोमा वीर बोहरा, मनिषा रावल, केशव पन्त र नरबहादुर चौहानले अभिनय गरेका छन् । भिडियोका कलाकारको मेकअप मेनुका साउदले गरेका छन् भने पोस्ट प्रोडक्सनको जिम्मेवारी खप्तड फिल्म्सले सम्हालेको छ ।

गीतको अडियो तथा भिडियो निर्माणमा गायन, शब्द, संगीत, एरेन्ज, छायांकन र सम्पादनलगायत विभिन्न विधाका सर्जक तथा प्राविधिकको सहभागिता रहेको छ । गायक भुवन दाहाल र गायिका निरुता खत्रीको सहकार्यमा सार्वजनिक भएको यस गीतले उनीहरूको सांगीतिक प्रस्तुतिलाई श्रोतामाझ पुर्‍याएको छ ।

‘का हालु मायाको मुद्दा’ गीतको भिडियो युट्युबमार्फत हेर्न सकिन्छ ।

गीतको भिडियो :
https://www.youtube.com/watch?v=h3RaIgbJzHk

कुनै सल्लाह, सुझाव वा प्रतिकृयाको लागि 921radiokathmandu@gmail.com मा इमेल पठाउन सक्नुहुन्छ ।
प्रतिक्रिया दिनुहोस्

कभर स्टोरी