काठमाडौं, ४ असार । माओवादी केन्द्रसहित चार दल सम्मिलित समाजवादी मोर्चाको घोषणा भएको छ ।
भृकुटीमण्डपस्थित राष्ट्रिय सभागृहमा चारदलका शीर्ष नेता सहभागी कार्यक्रममा मोर्चाको घोषणा गरिएको हो ।
समाजवादी मोर्चा नेपालको सहमति पत्रमा हस्ताक्षर गरेर घोषणा गरिएको हो ।
सहमति पत्रमा नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल, एकीकृत समाजवादीका अध्यक्ष माधवकुमार नेपाल, जनता समाजवादीका अध्यक्ष उपेन्द्र यादव, नेकपाका महासचिव नेत्रविक्रम चन्द विप्लवले हस्ताक्षर गर्नुभएको छ ।
मोर्चा घोषणासँगै १५ बुँदे नीतिगत प्रतिवद्धता पनि जारी भएको छ । कांग्रेस र एमाले पछि तेस्रो शक्ति बनाउने गरी समाजवादी मोर्चा निर्माण गरिएको नेताहरुले बताएका छन् । प्रतिनिधिसभामा माओवादीका केन्द्रका ३२, नेकपा एसका १० र जसपाका १२ सांसद छन् ।
चार दलको मोर्चा बनेसँगै सांसदको संख्या ५४ पुग्ने छ । सरकारमा देखिएको अस्थिरता रोक्न र सबैलाई एकीकृत गरेर अगाडि बढ्न सहज होस् भनेर मोर्चा गठन गरिएको नेताहरुको भनाइ छ ।
तस्बिर (न्युज कारखाना )
