काठमाडौं । बुधबार नेप्से परिसूचक २०.५६ अङ्कले घटेर २५४४.५९ बिन्दुमा पुगेको छ। बजारमा ४९ कम्पनीको मूल्य बढ्दा १९८ कम्पनीको मूल्य घटेको छ।
आज ३२१ कम्पनीको ८४ लाख कित्ता सेयर किनबेच हुँदा ३ अर्ब ८४ करोड रुपैयाँ बराबरको कारोबार भएको छ। सबैभन्दा बढी कारोबार एनआरएन इन्फ्रास्ट्रक्चरको ४० करोड रुपैयाँ बराबर भएको छ।
बुधबार ४ कम्पनीको सेयर मूल्यमा सकारात्मक सर्किट लागेको छ। भुगोल इनर्जी र सागर डिस्टिलरीको सेयर मूल्य १०% ले, बुंगल हाइड्रो र बन्दीपुर केबलकारको ९.९८% ले बढेको छ।
सबै समूहको सूचक घट्दा उत्पादन समूह मात्र ०.२३% ले बढेको छ। व्यापार समूह सर्वाधिक २.३५% र अन्य समूह १.३३% ले घटेका छन्।
