काठमाण्डौं, २५ मंसिर । नेपाली बजारमा आज सुनको भाउ तोलामा एक हजार रुपैयाँले बढेको छ । सुन एक हजार रुपैयाँले बढेर तोलाको २ लाख ५३ हजार १ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
यस्तै चाँदीको भाउ पनि आज तोलामा ५५ रुपैयाँले बढेर अहिलेसम्मकै उच्च बिन्दुमा पुगेको छ । आज चाँदी ५५ रुपैयाँले बढेर तोलाको तीन हजार आठ सय पाँच रुपैयाँमा कारोबार भइरहेको महासङ्घले जनाएको छ ।
