आज सुन तोलामा २ हजार १ सय रुपैयाँले घट्यो

काठमाडौं, २० पुस । हप्ताको पहिलो दिन आइतबार सुनचाँदीको भाउ घटेको छ। आज सुन २ हजार १ सय रुपैयाले घटेर तोलामा २ लाख ६० हजार ४०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । शुक्रबार सुनको भाउ तोलामा २ लाख ६२ हजार ५०० रुपैयाँ रहेको थियो ।

यस्तै आज चाँदी तोलामा २५ रुपैयाँले घटेर तोलामा ४ हजार ५ सय रुपैयाँमा कारोबार भइरहेको महासंल जनाएको छ । शुक्रबार चाँदी ४ हजार ५ सय २५ रुपैयाँमा कारोबार भएको थियो।