काठमाडौँ : बंगलादेश क्रिकेट बोर्ड (बीसीबी)ले २०२६ टि–२० विश्वकपका खेलहरू भारतमा नखेल्ने अडान पुनः दोहोर्याएको छ।
सुरक्षा चिन्ता देखाउँदै बीसीबीले आईसीसीसँग बंगलादेशका खेलहरू भारतबाहिर सार्न अनुरोध गरेको छ।
आईसीसीले टूर्नामेन्ट तालिका पहिले नै सार्वजनिक भएको भन्दै पुनर्विचार गर्न आग्रह गरेको थियो, तर बीसीबीको निर्णय अपरिवर्तित रहेको छ।
दुवै पक्षले सम्भावित समाधान खोज्न छलफल जारी राख्ने सहमति गरेका छन्।
यो विवादको सुरुवात आईपीएल २०२६ मा बंगलादेशका बलर मुस्ताफिजुर रहमानलाई कोलकाता नाइट राइडर्सले टोलीबाट हटाएपछि भएको हो।
टि–२० विश्वकप फेब्रुअरी ७ बाट भारत र श्रीलंकाले संयुक्तरूपमा आयोजना गर्दैछन्, र नेपालले समूह चरणको अन्तिम खेल बंगलादेशसँग खेल्ने तालिका छ।
