सुनचाँदीको भाउमा नयाँ कीर्तिमान, सुनको भाउ तोलाको २ लाख ८२ हजार पुग्यो

काठमाण्डौं, ५ माघ । नेपाली बजारमा सुनचाँदीको भाउले फेरि कीर्तिमान बनाएको छ । आज सुनको भाउ तोलाको २ लाख ८२ हजार रुपैयाँ पुगेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको २ लाख ७७ हजार ८ सय रुपैयाँ रहेको थियो ।

यस्तै, चाँदीको भाउ तोलाको ५ हजार ८ सय १० रुपैयाँ पुगेको महासङ्घले जनाएको छ । हिजो चाँदीको भाउ तोलाको ५ हजार ६ सय २५ रुपैयाँ थियो ।