काठमाडौं । हिजो पक्राउ परेका पत्रकार किशोर श्रेष्ठको निवासमा आज फेरि प्रहरी पुगेको छ ।
एउटा कोठा सर्च गर्न छुटेको भन्दै प्रहरी पुगेर हैरानी दिइरहेको श्रेष्ठकी पत्नी सरस्वतीले बताइन् ।
प्रहरीले हिजै राति श्रेष्ठको नख्खुस्थित निवासमा पुगेर छापा मारेको थियो । निवासबाट कम्प्यूटर, ल्यापटपहरु बरामद गरेर लगिएको छ । आज फेरि प्रहरी पुगेपछि श्रेष्ठ परिवार आतंकित बनेका छन् ।
पत्नी सरस्वतीले आफू अदालतमा रहेका बेला घरबाट फोन आएको बताइन् ।
‘छोराछोरीहरु मात्रै घरमा छन् । प्रहरी आएर घन्टी बजाएको बजायै छ भनेर उनीहरुले मलाई फोन गरे । मैले ढोका नखोल्नु भनेको छु । हिजै रातिभरि सर्च गरेर सबै लगिसकेपछि फेरि के लिन आएका हुन् ?’ उनले भनिन् ।
