काठमाडौं । सर्वोच्च अदालतका प्रधानन्यायाधीश डा.मनोजकुमार शर्मा पर्सा, बारा र रौतहट जिल्ला भ्रमणमा पुगेका छन् । उनी आज बिहान वीरगञ्जको गण्डकस्थित होटल क्लार्कस रिसोर्टबाट बारा गएका हुन् ।
बाराको सदरमुकाम कलैयास्थित जिल्ला अदालत पुगेर जिल्ला न्यायाधीश तथा रजिस्ट्रारसँग आन्तरिक भेटघाटपछि महागढीमाई मन्दिरको दर्शन गरेका हुन् ।
त्यहाँबाट रौतहटको सदरमुकाम गौरस्थित जिल्ला अदालत पुगेर जिल्ला न्यायाधीश तथा रजिस्ट्रारसँग आन्तरिक भेटघाट तथा जिल्ला अदालतको निरीक्षण भ्रमण गरेका हुन् ।
