काठमाडौं । जापानका लागि प्रस्तावित नेपाली राजदूत जिज्ञानकुमार थापाबारे निर्णय लिन संसदीय सुनुवाइ समितिको बैठक सुरु भएको छ ।
सिंहदरबारमा केहीबेरअघिदेखि बैठक जारी रहेको छ । प्रस्तावित राजदूत थापा पनि दिउँसो सवा दुई बजेतिर सिंहदरबार प्रवेश गरेका छन् ।
यसअघि उनको संसदीय सुनुवाइ सम्पन्न भए पनि समितिले निर्णय स्थगित गरेको थियो ।
प्रस्तावित राजदूतलाई पुनः किन बोलाइएको भन्ने प्रश्नमा राष्ट्रिय स्वतन्त्र पार्टी (रास्वपा) का एक सांसदले उनलाई राजदूतको नाम फिर्ता लिन आग्रह गर्नका लागि बोलाइएको हुन सक्ने बताएका छन् ।
समितिको बैठकबाट थापाको नियुक्तिसम्बन्धी विषयमा के निर्णय हुन्छ भन्ने चासो बढेको छ ।
