काठमाडौँ । नेकपा एमालेले राष्ट्रिय भेलाको तयारीका विषयमा छलफल गर्न स्थायी कमिटी बैठक बोलाएको छ ।
पार्टी प्रचार तथा प्रकाशन विभाग प्रमुख नीरज आचार्यका अनुसार बैठक मंसिर १ गते मंगलबार दिउँसो १ बजे पार्टी केन्द्रीय कार्यालय च्यासलमा बस्नेछ ।
मंसिर २ र ३ गते काठमाडौँमा आयोजना हुने राष्ट्रिय भेलाको आवश्यक तयारीबारे छलफल गर्न अध्यक्ष केपी शर्मा ओलीले बैठक बोलाएका हुन् ।
एमालेका अनुसार राष्ट्रिय भेलालगत्तै मंसिर ४ गते स्थानीय तहका जनप्रतिनिधिको भेला आयोजना हुनेछ भने मंसिर ५ गते केन्द्रीय कमिटीको बैठक बस्ने कार्यक्रम तय भएको छ ।




