काठमाडौं : इरानमा विगत दुई सातादेखि महँगीविरुद्ध जारी प्रदर्शन बिहीबार राति देशभर १०० भन्दा बढी सहरमा फैलिएको छ।
प्रदर्शनकारीहरूले राष्ट्रिय झण्डा च्यात्दा हिंसात्मक घटना बढेका छन्।
अमेरिकी मानव अधिकार एजेन्सीका अनुसार अहिलेसम्म कम्तीमा ४५ जनाको मृत्यु भइसकेको छ भने २,२७० भन्दा बढी पक्राउ परेका छन्।
तेहरानमा एक प्रहरी अधिकारीको चक्कु प्रहार गरी हत्या भएको छ। प्रदर्शन युवा र जेनजीको नेतृत्वमा तीव्र भएको हो, जसले निर्वासित युवराज रजा पहलवीको फिर्ती माग गर्दैछन्।
आर्थिक संकट, चरम महँगी र रियालको अवमूल्यनले जनआक्रोश बढाएको हो। डिसेम्बर २०२५ मा इरानी मुद्रा रियाल प्रति अमेरिकी डलर करिब १.४५ मिलियनमा झरेको थियो। खाद्य पदार्थको मूल्य ७२५ र औषधि ५०५ ले बढेको छ।
इरानी सरकारले सन् २०२६ को बजेटमा कर ६२५ वृद्धि प्रस्ताव गरेपछि असन्तुष्टि अझ बढेको छ। प्रदर्शनकारीहरू रजा पहलवीलाई धर्मनिरपेक्ष र लोकतान्त्रिक विकल्पको रूपमा हेर्दै देशमा आर्थिक स्थिरता र व्यक्तिगत स्वतन्त्रता ल्याउने अपेक्षा राखेका छन्।
हाल देशभर इन्टरनेट र फोन सेवा बन्द गरिएको छ। इरानको अर्थतन्त्र तेल निर्यातमा निर्भर छ, र प्रतिबन्ध र व्यापार घाटाका कारण आर्थिक संकट गहिरिएको छ।
