काठमाडौं, २० असार । आईसीसी एकदिवसीय विश्वकप छनोटअन्तर्गत ‘सुपर सिक्स’ काे खेलमा वेस्ट इन्डिजले ओमानलाई ७ विकेटले हरायाे ।
ओमानले दिएकाे २ सय २२ रनकाे लक्ष्य वेस्ट इन्डिजले ३९ ओभर ४ बलमा मात्र ३ विकेट गुमाएर सहजै भेटायाे । वेस्ट इन्डिजका ब्रान्डन किङले शतक बनाए । यस्तै शाई हाेपले नटआउट ६३ रन बनाए । बलिङतर्फ ओमानका बिलाल खान र कलिमुल्लाहले १/१ विकेट लिए ।
यसअघि जिम्बावेकाे हरारे स्पाेर्ट्स् क्लबमा टस हारेर ब्याटिङ गरेकाे ओमानले निर्धारित ५० ओभरमा ९ विकेट गुमाएर २ सय २१ रन बनायाे । ओमानका सुरज कुमारले नटआउट ५३ र शाेएब खानले ५० रन बनाए । बलिङतर्फ वेस्ट इन्डिजका राेमारियाे शेपहर्डले ३ र कायल मेयर्सले २ विकेट लिए ।
वेस्ट इन्डिज र ओमान दुवै टाेलीकाे विश्वकपमा छनोटको सम्भावना सकिसकेकाे छ ।
