सिमखोलाले बगाएको स्कुटर भेटियो, चालक अझै बेपत्ता

रेडियो काठमाण्डु
  • ख-
  • ख
  • ख+

अन्तिम पटक अध्यावधिक गरिएको

मकवानपुर । मकवानपुरको इन्द्रसरोबर स्थित सिमखोलाले बगाएको स्कुटर फेला परेको छ । सोमबार दिउँसो काठमाडौँबाट हेटौँडा तर्फ आउने क्रममा कुलेखानी ड्याम मुनिको सिमखोलाको बानढीले बगाएर हराएको उक्त स्कुटर फेला परेको हो ।

इलाका प्रहरी कार्यालय भीमफेदीका अनुसार हेटौँडा काठमाडौँ जोड्ने छोटो दुरीको भीमफेदी कुलेखानी काठमाडौँ मार्ग अन्तर्गत इन्द्रसरोबर–२ मा अवस्थित सिमाखोलाको लच्कामा आएको बाढीको उच्च बहावले स्कुटर बगाएको थियो ।

सडकबाट करिब २०० मिटर मुनि खोलामा बिहान १० बजेको समयमा स्कुटर फेला परेको प्रहरीले जनाएको छ ।

बा.प्र. ०२–०३२ च ८०५४ नम्बरको होण्डाको एभीएटर स्कुटर पेला परेर निकालिएको छ । उक्त स्कुटर चालक भने अझै बेपत्ता रहेका छन् । स्कुटर कसको नाममा छ भन्ने बारे बुझ्ने काम भइरहेको छ ।

कुनै सल्लाह, सुझाव वा प्रतिकृयाको लागि 921radiokathmandu@gmail.com मा इमेल पठाउन सक्नुहुन्छ ।
प्रतिक्रिया दिनुहोस्

कभर स्टोरी