काठमाडौं । राष्ट्रिय स्वतन्त्र पार्टी (रास्वपा) ले तीन पदाधिकारीसहित ४२ जना केन्द्रीय सदस्य अर्को बैठकबाट मनोनीत गर्ने भएको छ ।
शुक्रबार बसेको केन्द्रीय समिति बैठकले केही पदाधिकारी तथा सचिवालय सदस्य मनोनीत गरेको थियो । बैठकले सचिवालयमा ११ जनालाई मनोनीत गरेको रास्वपाका नेता मनिष झाले जानकारी दिए ।
उनका अनुसार उपसभापति, महामन्त्री र सहमहामन्त्रीसहित ४२ जना केन्द्रीय सदस्य अर्को केन्द्रीय समिति बैठकबाट मनोनीत गरिनेछ ।
रास्वपाले संगठन विस्तार तथा आगामी राजनीतिक गतिविधिलाई थप व्यवस्थित गर्ने उद्देश्यले केन्द्रीय समितिमा पदाधिकारी तथा सदस्य थप गर्न लागेको जनाएको छ ।
