४ असोज, काठमाडौं । सिटी एक्सप्रेस बचत तथा ऋण सहकारी संस्था लिमिटेडले आफ्नो १७औँ वार्षिक साधारण सभा सम्पन्न गरेको छ।
सदस्यहरूको आर्थिक हित, बचतको सुरक्षित परिचालन तथा वित्तीय सेवामा सहज पहुँचलाई प्राथमिकतामा राख्दै अघि बढिरहेको संस्थाले विभिन्न गतिविधिसहित साधारण सभा सम्पन्न गरेको हो।
साधारण सभामा संस्थाको हालसम्मको प्रगति, आर्थिक गतिविधि, सदस्यहरूलाई प्रदान गरिँदै आएका सेवा तथा आगामी योजनाका विषयमा छलफल गरिएको थियो। कार्यक्रममा संस्थासँग आबद्ध सदस्य, पदाधिकारी तथा शुभेच्छुकहरूको सहभागिता रहेको थियो।
सिटी एक्सप्रेस बचत तथा ऋण सहकारी संस्था लिमिटेडले सदस्यहरूको विश्वासलाई आफ्नो प्रमुख आधार बनाउँदै बचत तथा ऋण सेवामार्फत सदस्यहरूको आर्थिक आवश्यकतालाई सम्बोधन गर्दै आएको छ।
संस्थाले आगामी दिनमा पनि सेवा प्रवाहलाई थप प्रभावकारी बनाउँदै सदस्यको हित र संस्थाको दिगो विकासलाई प्राथमिकतामा राख्ने जनाएको छ।
सिटी एक्सप्रेस बचत तथा ऋण सहकारी संस्था लिमिटेडका संस्थापक अध्यक्ष चन्द्र टण्डनले १७औँ वार्षिक साधारण सभा संस्थाको आगामी यात्रा र कार्यदिशाका लागि महत्वपूर्ण रहेको जानकारी दिए।
उनले सदस्यहरूको निरन्तर साथ, विश्वास र सहकार्यकै कारण संस्था यहाँसम्म आइपुगेको बताउँदै आगामी दिनमा पनि सदस्यकेन्द्रित सेवा र संस्थाको प्रगतिलाई प्राथमिकतामा राखिने बताए।
साधारण सभाका अवसरमा संस्थाको विगतको प्रगतिको समीक्षा गर्दै आगामी दिनमा सञ्चालन गरिने कार्यक्रम तथा योजनालाई प्रभावकारी रूपमा अघि बढाउने विषयमा समेत छलफल गरिएको थियो।
