काठमाडौं । प्रधानमन्त्री वालेन्द्र शाह र प्रमुख प्रतिपक्षी दल नेपाली कांग्रेसका शीर्ष नेताबीच भेटवार्ता भएको छ ।
सोमबार दिउँसो प्रधानमन्त्री तथा मन्त्रिपरिषद्को कार्यालय, सिंहदरबारमा प्रधानमन्त्री शाहले कांग्रेस संसदीय दलका नेता भीष्मराज आङ्देम्बे र विश्वप्रकाश शर्मासँग भेटवार्ता गरेका हुन् ।
संयुक्त राष्ट्रसंघको महासभामा सम्बोधन गर्न अमेरिका जानुअघि आवश्यक छलफलका लागि प्रधानमन्त्री शाहले प्रमुख प्रतिपक्षी दलका प्रतिनिधिलाई सिंहदरबार बोलाएका थिए ।
प्रधानमन्त्री शाह संयुक्त राष्ट्रसंघको महासभामा सहभागी हुन मंगलबार अपराह्न अमेरिकातर्फ प्रस्थान गर्ने कार्यक्रम छ ।
भेटका क्रममा प्रधानमन्त्री शाहलाई नेपालले भोगिरहेको जलवायु परिवर्तनको समस्या तथा त्यसबाट परेको प्रभावका विषयलाई संयुक्त राष्ट्रसंघको महासभामा उठाउन सुझाव दिएको कांग्रेस नेता विश्वप्रकाश शर्माले बताए ।
