मनाङको चामेमा पहिरोले मर्स्याङ्दी नदी थुनिएको छ। सहायक प्रमुख जिल्ला अधिकारी कृष्णप्रसाद पौडेलका अनुसार स्थानीय ठाडो खोलाबाट झरेको लेदोसहितको पहिरोले मर्स्याङ्दी नदी थुनिएको हो।
नदी थुनिएसँगै त्यहाँ ताल बन्न थालेको छ। मर्स्याङ्दी नदीमा साइरन बज्न थालेको स्थानीयले बताएका छन्।
नदी थुनिएपछि सम्भावित जोखिमलाई मध्यनजर गर्दै प्रशासनले मर्स्याङ्दी नदीको तटीय क्षेत्रका सबैलाई सतर्क रहन आग्रह गरेको छ।
