भेटघाटमा रोक लगाउने प्रहरीमाथि कारबाही गर्न आयोगको आग्रह

११ असोज, काठमाडौं । राष्ट्रिय मानव अधिकार आयोगले सर्वोच्च अदालतका पूर्वप्रधानन्यायाधीश चोलेन्द्र शम्शेर जबरालाई नेपाल प्रहरीले पक्रेको घटनाप्रति गम्भीर ध्यानाकर्षण जनाउँदै भेट गर्न नदिएपछि कानुनी व्यवस्थाबारे जानकारी गराएको छ ।

आयोगले जारी गरेको प्रेस विज्ञप्तिमा संविधान तथा कानुनले सुनिश्चित गरेका अधिकारको सम्मान गर्न आग्रह गरिएको छ। राणालाई पक्राउ गरिएकोबारे जानकारी लिन आयोग टोली उनको निवासमा पुग्दा नेपाल प्रहरीले भेटघाटमा रोक लगाएको थियो।

आयोगले अनुसन्धानका लागि पक्राउ गरिएको भए पनि प्रहरीको उच्च नेतृत्वबाट आयोगको टोलीलाई अनुसन्धान गर्न राष्ट्रिय मानव अधिकार आयोग ऐन, २०६८ को दफा ५८ अनुसार सार्वजनिक संस्था, निजी संस्था वा अन्य स्थानको निरीक्षण तथा अनुगमन गर्ने र मानव अधिकार संरक्षणका लागि आवश्यक सुधारका सम्बन्धमा सम्बन्धित निकायलाई आवश्यक सुझाव तथा निर्देशन दिन सक्ने व्यवस्था रहेको स्मरण गराएको हो ।

आयोगले निष्पक्ष छानबिन गरी संवैधानिक तथा कानुनी दायित्व पूरा गर्ने कार्यमा अवरोध सिर्जना गर्ने प्रहरी कर्मचारीलाई कानुनी दायरामा ल्याउन र आयोगलाई प्राप्त संवैधानिक तथा कानुनी अधिकारको सम्मान गर्न नेपाल सरकारको ध्यानाकर्षण गराएको छ।