२२ असोज, काठमाडौं । बिहीबार सेयर बजार परिसूचक नेप्से २.३१ अंक बढेको छ । यो वृद्धिसँगै नेप्से परिसूचक २५७४ अंकमा कायम भएको छ ।
कारोबार रकममा पनि सुधार देखिएको छ । अघिल्लो दिन ३ अर्ब ७४ करोडको कारोबार भएकोमा आज ३ अर्ब ९३ करोडको भयो । आज १४० कम्पनीको मूल्य बढ्दा १२७ को घटेको छ । ११ कम्पनीको मूल्य स्थिर रह्यो ।
सबैभन्दा ठूलो समूह बैंकिङले नै टेवा दिएपछि बिहीबार बजार बढ्न मद्दत पुग्यो । बैंकिङ ०.१९ प्रतिशत बढ्यो । त्यस्तै विकास बैंक ०.०६, जलविद्युत् ०.१८, लगानी ०.१५, जीवन बीमा ०.२९, उत्पादन तथा प्रशोधन ०.७३, निर्जीवन बीमा ०.१७ र व्यापार ०.४३ प्रतिशत बढे ।
फाइनान्स ०.०२, होटल तथा पर्यटन ०.३९, जीवन बीमा ०.०९, माइक्रोफाइनान्स ०.०२, अन्य ०.४४ प्रतिशत मूल्य घट्यो ।
कुथेली बुखरी स्मल हाइड्रोपावरको १५, स्नो रिभर्स लिमिटेडको ६.४०, चिरख्वा हाइड्रोपावरको ५.१५, नेसनल हाइड्रोपावरको ३.९४, सोनापुर मिनरल्सको ३.६१, बोटलर्स नेपाल बालाजुको ३.०० प्रतिशत मूल्य बढ्यो ।
घलेम्दी हाइड्रोपावरको ३.३६, माबिलुङ इनर्जीको २.९७ प्रतिशत मूल्य घट्यो ।
आज धेरै कारोबार भएका कम्पनीमा घलेम्दी हाइड्रोपावर, हिमाल दोलखा हाइड्रोपावर, पिपुल्स हाइड्रोपावर, सोनापुर मिनरल्स, हिमालयन पावर पार्टनर, आँखुखोला जलविद्युत्, नेसनल हाइड्रोपावर, लक्ष्मी सनराइज बैंक क्रमशः अगाडि रहे ।
