काठमाडौं, १८ माघ । दक्षिणकाली नगरपालिकाका प्रमुख मोहन बस्नेतले जनताको चाहना अनुसार काम गरिरहेको बताउनु भएको छ ।
रेडियो काठमाण्डुको बहसमुलका कार्यक्रम राईट कर्नरमा कुराकानीका क्रममा उहाँले चुनावताका गरेका बाचाअनुसार जनचाहनाका काम गरिरहेको बताउनु भएको हो ।
नगरप्रमुख बस्नेतले नगरपालिका धार्मिक,संस्कृति र पर्यटकीय पालिका भएकाले पर्यटकको सङ्ख्या वृद्धिका लागि पूर्वाधार निर्माण गर्ने कार्य प्राथमिकतामा परेको बताउनु भयो।
युवाहरूलाई रोजगार र बिदेसिने सङ्ख्यामा कमी ल्याउन लोकसेवा कक्षा सञ्चालन गर्न लागेको उहाँको भनाई छ ।
उहाँले जनताका चाहाना अनुसार काम गर्दा केही न केही चुनौती आउने भएकाले चुनौतीलाई सामना गर्दै र जनप्रतिनिधिले जनताको सेवक भएर काम गर्नु पर्ने बताउनु भयो ।




