काठमाडौं, कार्तिक ३ । ललितपुरको सातदोबाटोमा गुडिरहेको बसमा आगलागी भएको छ ।
आज अपरान्ह पौने ५ बजे चक्रपथमा चल्ने बा ४ ख १०६ नम्बरको महानगर यातायातको बसमा आगलागी भएको ट्राफिक प्रहरी इन्सपेक्टर भुपेन्द्र गिरीले जानकारी दिनुभयो ।
चालकका अनुसार इन्जिनबाट एक्कासी आगलागी भएको थियो । बसमा धुँवा देखिनेवित्तिकै यात्रुहरु झरेका थिए । सबै यात्रुहरु सुरक्षित रहेको गिरीले बताउनुभयो । बसमा के कति कारणले आगलागी भएको हो भन्ने बारे खुलेको छैन ।
