काठमाडौँ, ११ पुस । हाल देशभर पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ ।
महाशाखाका अनुसार आज बिहान तराईका धेरै स्थानमा हुस्सु लागेको छ । कोशी, बागमती र गण्डकी प्रदेशका पहाडी तथा हिमाली भूभागमा आंशिक बदली छ।
यस्तै, दिउँसो तराई भूभागका धेरै स्थानमा हुस्सु लाग्नेछ। कोशी, मधेश र बागमती प्रदेशका तराई भूभागमा बिहान केही समय तथा बाँकी तराई भूभागमा मध्यान्नसम्म कुहिरो लाग्ने सम्भावना छ । गण्डकी, लुम्बिनी, कर्णाली, सुदूरपश्चिम प्रदेश लगायत बाँकी प्रदेशको पहाडी तथा हिमाली भूभागमा आंशिक बदली रहनेछ ।
राति तराई भूभागका अधिकांश स्थानहरूमा हुस्सु रहनेछ भने सबै प्रदेशका पहाडी तथा हिमाली भूभागमा आंशिक बदली रहने महाशाखाकाले जनाएको छ ।
