काठमाडौँ, १४ पुस। नेपाली कांग्रेसका नेता तथा तत्कालीन पूर्वगृहमन्त्री रमेश लेखकले आज जाँचबुझ आयोगमा बयान दिन जाने भएका छन्। आज बिहान ११ बजे आयोगको कार्यालयमा उपस्थित हुने लेखकले जानकारी दिए ।
गत भदौ २३ र २४ गते भएको घटनाको सम्बन्धमा सोधपुछका लागि आयोगले उनलाई बोलाएको हो ।
जेनजी आन्दोलनका क्रममा गत भदौ २३ र २४ गते घटेको विशेष घटनाको छानबिन गरिरहेको आयोगले यसअघि नै लेखकलाई पुस ८ गते बयानका लागि बोलाएको थियो। सोही प्रक्रियालाई निरन्तरता दिँदै उनी सोमबार आयोगको टोलीसमक्ष आफूसँग भएको जानकारी र सो घटनाको वस्तुस्थितिबारे प्रष्ट पार्न जान लागेको उनको सचिवालयले पुष्टि गरेको छ।
आयोगमा बयान दिएपछि लेखकले दिउँसो ४ बजे सिंहदरबारस्थित नेपाली कांग्रेस संसदीय दलको कार्यालयमा पत्रकार सम्मेलन गर्ने तयारी समेत गरेका छन्।
