मोरङको संसारी माई मन्दिरबाट मूर्ति र नगद चोरी

काठमाण्डौं, २० पुस । मोरङको रंगेलीस्थित संसारी माई मन्दिरबाट देवीदेवताका मूर्ति, गरगहना तथा दान पेटिकामा रहेको नगद चोरी भएको छ । मन्दिरको चेनगेट फोडेर आइतबार राति चोरी भएका मोरङ प्रहरले जनाएको छ ।

मोरङ प्रहरीका प्रवक्ता कोपिला चुँडालले मन्दिरबाट संसारी माताका २ थान साना मूर्ति, ठूलो मूर्तिमा चढाइएका चाँदीका गरगहना तथा दान पेटिकाको सिसा फोडेर चोरी भएको बताइन् ।

प्रहरीले चोरीमा संलग्नको पहिचानका लागि स्थानीय बासिन्दासँग सोधपुछ गरिरहेको छ । चोरी भएको नगदको यकिन विवरण भने दान पेटिकाको नियमित हिसाबकिताब र अभिलेखको आधारमा थाहा हुने प्रहरीको जनाएको छ ।