शंखरापुरको फेदी जंगलमा बस दुर्घटना, २२ घाइते

काठमाडौँ । काठमाडौँको शंखरापुर नगरपालिका–३ स्थित फेदी जंगलमा आज साँझ बस दुर्घटना हुँदा २२ जना घाइते भएका छन्।

जर्सिङपौवामा पिकनिक खाएर फर्किँदै गरेको बा ४ ख ८७८८ नम्बरको महानगर यातायातको बस दुर्घटनामा परेको प्रहरीले जनाएको छ। दुर्घटनापछि घाइतेहरूको तत्काल उद्धार गरी विभिन्न अस्पतालमा उपचारका लागि पठाइएको छ।

दुर्घटनाको कारणबारे थप अनुसन्धान भइरहेको प्रहरीले जनाएको छ।